accident

भाजपचे प्रवक्ते माधव भंडारींच्या कारला मस्साजोगजवळ अपघात

केज क्राईम न्यूज ऑफ द डे बीड

केज दि.15 : भाजपचे मुख्य प्रवक्ते माधव भंडारी यांच्या कारला समोरून येणार्या रिक्षाने धडक दिली. सुदैवाने या अपघातात माधव भंडारी आणि त्यांच्यासोबत असलेले प्रवक्ते राम कुलकर्णी यांना कसलीही इजा झाली नाही. हा अपघात शनिवारी (दि.15) सायंकाळी साडेआठ वाजताच्या सुमारास मस्साजोगजवळ (ता. केज) झाला.

माधव भंडारी यांचे रविवारी अंबाजोगाई पुस्तक प्रकाशन कार्यक्रमानिमित्त व्याख्यान आहे. त्यासाठी बीड येथील कार्यक्रम आटोपून माधव भंडारी आणि राम कुलकर्णी हे कारमधून अंबाजोगाईकडे निघाले होते. मस्साजोगजवळ त्यांच्या समोरून येणारा अ‍ॅपेरिक्षा मातीच्या ढिगार्यावर गेल्याने पलटी झाला आणि भंडारी यांच्या कारला धडकला. भंडारी यांच्या चालकाने प्रसंगावधान राखत कार बाजूला घेतल्याने मोठा अनर्थ टळला असून माधव भंडारी, राम कुलकर्णी यांना कसलीही इजा झाली नाही. तर, रिक्षाचा चालक किरकोळ जखमी झाला आहे. दरम्यान, अपघातानंतर भंडारी हे अंबाजोगाईच्या दिशेने रवाना झाले असून ते तिथे मुक्कामी असणार आहेत.

Tagged