गेवराई : शेतात दिवसभर काम करुन सायंकाळी बापलेक घरी येत असतांना अचानक अंगावर वीज कोसळून मुलाचा मृत्यू झाला. तर वडील किरकोळ जखमी झाले. ही घटना सोमवारी (दि.15) सायंकाळच्या सुमारास गेवराई तालुक्यातील जातेगाव परिसरामध्ये घडली. या घटनेने परिसरात हळहळ व्यक्त केली जात आहे.
रवी अर्जुन पवार (वय वर्ष 26) रा.जातेगाव असे मयताचे नाव आहे. दिवसभर शेतात काम करून वडिल अर्जुन पवार व रवी अर्जुन पवार हे दोघे बापलेक घराकडे येत असताना वादळ वार्‍यासह विजांचा कडकडाट सुरू असताना अचानक वीज अंगावर कोसळूली यात मुलगा रवी पवार हा गंभीर जखमी झाला व वडील अर्जुन पवार हे किरकोळ जखमी झाले. दरम्यान त्याला जातेगाव येथील रुग्णालयात दाखल करण्यात आले होते. मात्र परिस्थिती अत्यंत गंभीर असल्याने त्याला बीड येथे हलवण्यात आले असता त्याचा रस्त्यातच मृत्यू झाला असून सदरील मृतदेह जातेगाव येथील प्राथमिक आरोग्य केंद्रात दाखल करण्यात आलाआहे. या घटनेने जातेगाव येथे हळहळ व्यक्त करण्यात येत आहे.
