परळी दि.30 : घरी बोलावून मरळवाडीचे सरपंच बाबुराव आंधळे यांच्यावर गोळी झाडून हत्या करण्यात आल्याची घटना शनिवारी (दि.29) रात्री घडली होती. या घटनेने जिल्ह्यात खळबळ उडाली. या घटनेत दोघे गंभीर जखमी असून त्यांच्यावर उपचार सुरू आहे. याप्रकरणी राष्ट्रवादी काँग्रेस शरद पवार गटाचे प्रदेश उपाध्यक्ष बबन गीते यांच्यासह मुकुंद गीते, महादेव गीते, राजाभाऊ नेहरकर, राजेश वाघमोडे यांच्यावर गुन्हा दाखल करण्यात आला आहे.