बीड : केरळमध्ये गर्भवती हत्तीणीला काही निर्दयी लोकांनी फटाक्यांनी भरलेलं अननस खायला दिल्याने तिचा मृत्यू झाल्याची अमानुष घटना उघडकीस आली. आता याचं राजकारणा होऊ पहात आहे. माजी केंद्रीय मंत्री मनेका गांधी या राहूल गांधी यांच्यावरच संतापल्याचं पहायला मिळत आहे. कारण राहूल गांधी हे केरळच्या वायनाड मतदारसंघातून निवडून गेले आहेत.
गर्भवती हत्तीणीला फटाक्यांनी भरलेलं अननस खायला दिल्याने तिच्या तोंडात फटाके फुटले आणि हत्तीणीच्या गर्भाशयात वाढणार्‍या पिलासह तिचा मृत्यू झाला. केरळमधील मल्लपुरम जिल्ह्यात ही घटना घडली. याप्रकरणी मेनका गांधींनी केरळमधील वायनाडमधून निवडून आलेले काँग्रेसचे खासदार राहुल गांधी यांना निशाण्यावर घेतले आहे. मनेका गांधी म्हणतात राहूल गांधी त्याच भागातील आहेत. त्यांनी अद्याप कारवाई का केली नाही? ते शांत का? वन विभागाच्या सचिवांची पदावरून हकालपट्टी करण्यात यावी. त्याचबरोबर वन्यजीव संरक्षण खात्याच्या मंत्र्यांना थोडीजरी समज असेल तर त्यांनी पदाचा राजीनामा द्यावा, असे मेनका गांधी यांनी ‘एनआयए’शी बोलताना म्हणाल्या आहेत.