बस्स झालं! नाहीतर कपलचं खपल चॅलेंज होईल!!

न्यूज ऑफ द डे बीड मराठवाडा महाराष्ट्र

बीड दि.24 : मागील काही दिवसांपासून सोशल मीडियावर एक ट्रेंड आला. #couplechallenge हा ट्रेंड सध्या सोशल मीडियावर तुफान व्हायरल होत आहे. मात्र यामुळे काय धोका होऊ शकतो याची थोडीही जाणीव नाही. यामुळे अशा ट्रेंडवाल्यांसाठी पुणे पोलीसांनी ट्विटरच्या माध्यमातून एक चांगलाच संदेश दिला आहे. ट्विटमध्ये म्हटले आहे की, ‘कपल चॅलेंजवाल्यांनो सायबर क्रिमिनल चॅलेंज न करो, केला तर कपलचा खपल चॅलेंज होईल’. त्यामुळे सोशल मीडियावर अशा ट्रेंडपासून सावधान राहावे असे अवाहनही त्यांनी केले आहे.
पुणे पोलिसांनी ट्विटमध्ये म्हटलं आहे की, आपल्या जोडीदारासोबत फोटो पोस्ट करताना दोन वेळा विचार करा. गोड वाटणारं चॅलेंज काळजी नाही घेतली तर चुकीचं होऊ शकतं. ‘कपल चॅलेंजवाल्यांना सायबर क्रिमिनल चॅलेंज न करो, केला तर कपलचा खपल चॅलेंज होईल’. फोटो पोस्ट करताना काय धोका आहे हेदेखील पोलिसांनी पोस्टमध्ये सांगितलं आहे. आपण पोस्ट केलेले फोटो मॉर्फिंग, पॉर्न तसंच इतर सायबर क्राइमसाठी वापरला जाण्याची शक्यता आहे. त्यामुळे काळजी घ्या असं पोलिसांनी म्हटलं आहे. या ट्रेंड बरोबरच फॅमिली चॅलेंज, खाकी चॅलेंज, सिंगल चॅलेंज यासह अनेक चॅलेंंज चे ट्रेंड व्हायरल होत आहेत. त्यामुळे अशा ट्रेंडमध्ये सहभागी होण्याआगोदर त्याचे दुष्परिणामही पहायला हवे. अन्यथा मोठा धोका होऊ शकतो.

कार्यारंभ आता टेलीग्रामवर आहे. आमचं चॅनेल (@karyarambhbeed) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Tagged