बीड जिल्ह्यात कोरोनाचे शतक

परळी तालुका शून्यावर

बीड : जिल्ह्यात आज (दि.१८) कोरोनाचे शतक झाले आहे. मात्र परळी तालुक्यात कोरोनाचा एकही रुग्ण आढळून आला नाही.

मंगळवारी ५ हजार ८३० जणांनी कोरोना चाचणीसाठी नमुने दिले होते. त्याचे अहवाल आज (दि.१८) प्राप्त झाले, त्यामध्ये १०० नमुने पॉझिटिव्ह आढळून आले. तर ५ हजार ७३० नमुने निगेटिव्ह आले आहेत. बाधितांमध्ये बीड तालुक्यात २५, अंबाजोगाई ८, आष्टी २२, धारूर ७, गेवराई ५, केज ८, माजलगाव ४, पाटोदा ११, शिरूर ४ तर वडवणी तालुक्यात ६ असे रुग्ण आढळून आले. मुख्य कार्यकारी अधिकारी अजित कुंभार यांनी ही माहिती दिली.