बीड जिल्हा : आज १४३ कोरोनाबाधित

सलग दुसऱ्या दिवशी परळी तालुका शून्यावर

बीड : जिल्ह्यात आज (दि.१९) कोरोनाचे १४३ नवे रुग्ण आढळले आहेत. यात सलग दुसऱ्या दिवशी परळी तालुक्यात कोरोनाचा एक ही रुग्ण आढळला नाही.

बुधवारी ५ हजार ८५२ जणांनी कोरोना चाचणीसाठी नमुने दिले होते. त्याचे अहवाल आज (दि.१९) प्राप्त झाले, त्यामध्ये १४३ नमुने पॉझिटिव्ह आढळून आले. तर ५ हजार ७०९ नमुने निगेटिव्ह आले आहेत. बाधितांमध्ये बीड तालुक्यात १२, अंबाजोगाई ७, आष्टी ६६, धारूर ३, गेवराई ८, केज ८, माजलगाव ५, पाटोदा २०, शिरूर २ तर वडवणी तालुक्यात १२ असे रुग्ण आढळून आले. मुख्य कार्यकारी अधिकारी अजित कुंभार यांनी ही माहिती दिली.