किर्तनकार महाराजांची अश्लील व्हिडिओ क्लीप व्हायरल!

क्राईम न्यूज ऑफ द डे महाराष्ट्र

कारवाईसाठी संघटनेची पोलीसात तक्रार
औरंगाबाद :
एका नामवंत किर्तनकार महाराजांची महिलेसोबतची अश्लील व्हिडीओ क्लीप सोशल मीडियावर व्हायरल झाली आहे. त्यामुळे खळबळ उडाली आहे. या प्रकरणी वारकरी संप्रदाय संघटनेकडून या किर्तनकार महाराजावर कारवाई करण्याची मागणी केली जात आहे. तसेच पोलीसात तक्रारही देण्यात आली आहे.

गेली अनेक वर्षे औरंगाबाद आणि जिल्ह्याबाहेर एक प्रतिष्ठीत किर्तनकार म्हणून ओळख असलेल्या एका महाराजांचा महिलेसोबत ‘शरीरसंबंध’ करतानाचा व्हिडीओ व्हायरल झाला आहे. व्हिडिओ पाहून त्यांना मानणार्‍या भक्तांमध्ये मोठी खळबळ उडाली आहे. हे महाराज आणि व्हिडिओमध्ये दिसणारी महिला गेल्या अनेक दिवसांपासून कीर्तन करतात. त्यांचा मोठा भक्त परिवार आहे. दोघांचे युट्यूबवर मोठे फॉलोअर्सवर सुद्धा आहेत. मात्र त्यांचा हा व्हिडिओ व्हायरल झाल्याने त्यांचा भक्तांना मोठा धक्का बसला आहे, असे स्थानिकांनी म्हटले आहे. या किर्तनकार महाराजांचा व्हिडिओ व्हायरल झाल्यानंतर छत्रपती शिवाजी महाराज सेनेचे ह.भ.प. ज्ञानेश्वर महाराज डोणगावकर यांनी व्हिडिओमध्ये असलेल्या किर्तनकार महाराज आणि महिलेवर कारवाई करण्याची मागणी केली आहे. याबाबत शिल्लेगाव पोलीस ठाण्यात तक्रार दिली आहे. व्हिडिओमधील दोघेही आनंद संप्रदायिक आहेत. त्याच विचारसरणीला मानणार्‍या समाजामध्ये किर्तनकार म्हणून त्यांनी ख्याती मिळवलेली आहे. आपल्या किर्तनातून भक्ती व समाजप्रबोधन करत असल्यामुळे लाखो लोक त्यांना धार्मिक क्षेत्रात आपले आदर्श मानतात. आनंद संप्रदायिक असूनही बरेच वारकरीही त्यांना आपले आदर्श मानत आणि आपापल्या परिसरात त्यांचे किर्तनाचेही आयोजन करतात. मात्र या दोघांनीही त्या लाखो श्रध्दाळू लोकांच्या धार्मिक भावनांवर खूप मोठा आघात केला. महाराष्ट्रातील लोकांची आस्था आपल्या असभ्य वर्तनुकीचे अश्लील प्रदर्शन करून त्यांनी ती आस्था पायदळी तुडविली आहे. त्यामुळे त्यांच्यावर कारवाई करण्याची मागणी तक्रारीतून करण्यात आली आहे.

Tagged