बीड, दि.2 : पर्यावरण व वातावरण बदल मंत्री पंकजाताई मुंडे यांना अश्ल्लिल मेसेज पाठवून, कॉल करीत त्रास देणार्‍या एका परळीच्या तरुणाला पुण्यातील भोसरी परिसरातून बेड्या ठोकण्यात आल्या आहेत. मंत्री पंकजाताई मुंडे यांच्या कार्यालयाकडून याबाबत सायबर पोलीस ठाण्यात तक्रार दिलेली होती. याबाबतचे वृत्त एबीपी माझाने दिले आहे. कालच परळीत बोलताना पंकजाताई मुंडे यांनी महिलांना सोशल मीडियावर केल्या जाणार्‍या ट्रोलींगबाबत कायदा होण्याची गरज असल्याचे मत व्यक्त केले होते.
अमोल काळे असं आरोपीचं नाव असून तो परळीचा असल्याचे समजत आहे. तो पुण्यात शिक्षण घेत होता. कॉल आणि मेसेज करण्यामागील त्याचा उद्देश पोलीस तपासत आहेत. त्याच्यावर सायबर पोलिसांनी बीएनएसच्या कलम 78 आणि 79 तसंच आयटी कायद्याअंतर्गत गुन्हा दाखल केला. सायबर पोलिसांनी भोसरी पोलिसांच्या मदतीने आरोपी अमोल काळेला अटक केली. चौकशीत काळेने पंकजा मुंडे यांना फोन केल्याची कबुली दिली. अमोल काळेला न्यायालयात हजर करण्यात आले असता न्यायालयाने त्यांना दोन दिवसांची पोलिस कोठडी सुनावली.
सुत्रांनी दिलेल्या माहितीनुसार अमोल काळे (25) हा पंकजाताई मुंडे यांना अश्लील मेसेज आणि कॉल करुन त्रास देत होता. याप्रकरणी पंकजा मुंडे यांच्या कार्यालयाकडून जवळच्या सायबर पोलीस स्थानकांत संपर्क करुन आरोपीविरुद्ध तक्रार दाखल केली. यानंतर पोलिसांनी तपास सुरू केला आणि फोन करणार्‍याचे ठिकाण शोधले आणि तो पुण्यातील भोसरी येथे असल्याचे आढळून आले. यानंतर, सायबर पोलिसांनी भोसरी पोलिस ठाण्याच्या अधिकार्‍यांच्या मदतीने आरोपी अमोल काळे याला अटक केली. चौकशीत काळेने पंकजा मुंडे यांना फोन केल्याची कबुली दिली. अमोल काळेला न्यायालयात हजर करण्यात आले असता न्यायालयाने त्यांना दोन दिवसांची पोलिस कोठडी सुनावली. एका सायबर अधिकार्‍याने सांगितले की, आरोपी हा विद्यार्थी आहे आणि त्याने अपशब्द वापरण्यामागील आणि त्रासदायक वर्तनामागील हेतू सध्या तपासला जात आहे.